Sápmi |

Walt Disney Animation Studios ráhkada davvisámegielat veršuvnna Frozen 2 –filmmas

Walt Disney Animation Studios (WDAS) ohcagoahtá fargga neavttárveaga davvisámegielat Frozen 2 -filbmii.

Frozen 2
Frozen 2 –ráhkaduvvo maiddái davvisámegielat veršuvdnan. Govva: ©2019 Disney

Walt Disney Animation Studios (WDAS) lea bargagoahtán sámegielat veršuvnna Frozen 2 –filmmas. Walt Disney Animation Studios ohcagoahtá farggamus lágiin sámegielat neavttáriid mielde filbmii.

Filbma lea boađus Walt Disney Animation Studios ja sámi albmoga ovttasbarggus. Sámi parlamentáralaš ráđđi (SPR), Sámeráđđi ja Walt Disney Animation Studios leat ovttasbargan ja dál boađusin šaddá sámegielat veršuvdna bivnnuhis mánáidfilmmas. Frozen 2 filbmadahkkit gallededje Sámis, man boađusin Sámi bargojoavku lea addán rávvagiid filbmadahkkiide.

Sámedikkiid ja Sámeráđi presideanttat: Tuomas Aslak Juuso (Suoma Sámediggi), Åsa Larsson-Blind (Sámeráđđi)
Aili Keskitalo (Norgga Sámediggi) ja Per-Olof Nutti (Ruoŧa Sámediggi) čujuhit stuorra movtta dán dihtui oktasaš cealkámušas.
Sámedikkiid ja Sámeráđi presideanttat: Tuomas Aslak Juuso (Suoma Sámedikki 2. várreságadoalli), Åsa Larsson-Blind (Sámeráđđi) Aili Keskitalo (Norgga Sámediggi) ja Per-Olof Nutti (Ruoŧa Sámediggi) čujuhit stuorra movtta dán dihtui sámegielat Frozen 2 -filmmas oktasaš cealkámušas. Govva: Sámediggi

Sámedikkiid ja Sámeráđi ságadoallit Aili Keskitalo (Norgga beale Sámediggi), Tuomas Aslak Juuso (Suoma Sámedikkis), Per-Olof Nutti (Ruoŧa Sámedikkis) ja Åsa Larsson-Blind (Sámeráđis) čujuhit oktasaš cealkámušas movtta ja ilu dán áššái.

– Mii leat rápmásat ja giitevaččat ovttasbarggus Disney Animation:in. Mii leat ilolaččat go sámimánáide addojuvvo vejolašvuohta oaidnit filmma Frozen 2 iežaset eatnigillii. Mii leat hui duđavačča go sáhttit dáid ođđasiid muitalit dál go ON ávvuda Riikkaidgaskasaš jagi eamiálbmotgielaid várás, dadjet sámi presideanttat.

Walt Disney Animation Studios álggaha fargga casting-proseassa gávdnat neavttáriid filbmii.

Frozen 2 filmma jorgleamis vástida Rick Dempsey SVP Creative Disney Character Voices International bealis. Rick Dempsey goziha ja jođiha davvisámegielat jorgalanbarggu. Disney Animation ja Disney Character Voices International leat oalle aiddo bargan ovttasbarggu Tahiti, Hawaii, ja Aotearoa guovddášolbmuiguin sin eamiálbmotgielaid guovllu veršuvnnain ráhkadit Moana filmma. Filbma galggašii gárvánit Tahiti, Hawaiia ja Māori gielaide.

Suoma sámedikki nubbi várreságadoalli Tuomas Aslak Juuso jearahallan 19.7.2019. Jietna: Yle Areena

Norgga Sámedikki ságadoalli Aili Keskitalo ja Sámi filbmainstituhta jođiheaddji Ánne Lajla Utsi jearahallamiid Frozen 2 -filmma sámegielat veršuvnna birra sáhtát guldalit bearjadaga 19.7. NRK Sámi Geasserádio-sáddagis.

Varrasamosat: Sápmi

Váldoođđasat

Varrasamosat

Muualla Yle.fi:ssä