Sápmi |

Yle ođasdoaimma jođiheaddjin lea nammaduvvon Aamulehti váldodoaimmaheaddji Jouko Jokinen

Jokinen álgá ođas- ja áigeguovdilisdoaimmaid vástideaddji buvttadeaddjin ovdal juovlamánu.

Jouko Jokinen
- Mun geavahan ollu Yle bálvalusaid, mus lea radio olles áiggi rabas, muitala Yle ođasdoaimma ođđa jođiheaddji Jouko Jokinen. Govva: Marjut Suomi / Yle

Yle stivra lea nammada Jouko Jokinen fitnodaga suomagielat Ođas- ja áigeguovdilisdoaimmaid jođiheaddji ja vástideaddji doaimmaheaddjin. Son raportere Yle beaivválaš jođiheaddjái Lauri Kivinenii. Ođasdoaimma nubbin váldodoaimmaheaddjin joatká ođđajagimánus nammaduvvon Riikka Venäläinen.

Jokinen lea bargan jagi 2010 rájes Aamulehti vástideaddji váldodoaimmaheaddjin, dan ovdal Satakunnan Kansa vástideaddji váldodoaimmaheaddjin, goasttideaddjin ja hoavdabargguin Helsingin Sanomat -aviisas. Su skuvlejupmi lea humanisttalaš diehtagiid kandidáhta.

Fitnodaga stivra deattuhii válljejumis Jokinen guhkes áiggi journalistalaš hárjánumi.

– Válddán barggu vuostá hui movttegin. Geavahan Yle fálaldaga hui ollu, mus lea radio rabas olles áiggi, muitala Jokinen.

Jouko Jokinen oaidná, ahte Yles lea stuorra sajádat suopmelaš mediasuorggis, dasgo leat muhtin áššit maid dušše Yle sáhttá dikšut.

Yle ovddit váldodoaimmaheaddji Atte Jääskeläinen guđii Yle miessemánus. Ođas- ja áigeguovdilisdoaimmaid vástideaddjidoaimmaheaddji lea dan rájes doaibman Yle ruoŧagielat doaimmaid jođiheaddji Marit af Björkesten. 

Sámegielat prográmmain iežaset vástideaddji doaimmaheaddjit

Yle sámegielat sisdoaluin leat iežaset vástideaddji doaimmaheaddjit. Yle buot sámegielat sisdoaluid vástideaddji doaimmaheaddjin doaibmá Maria Saijets golggotmánu loahpa rádjái.

Yle sámegielat vuoiŋŋalaš prográmmaid vástideaddji doaimmaheaddji lea Erva Niittyvuopio Oulu bismagottis.  

Varrasamosat: Sápmi

Váldoođđasat

Varrasamosat

Muualla Yle.fi:ssä