Säämi |

Yle Säämi ocá hárjuttelleid uđđâ hárjuttâllâmohjelmân puáttee kiäsán

Hárjuttâlmist piäsá uápásmuđ sämmilâš media- ja uđâsmaailmân.

Ijahis Idjan stream
Yle Säämi pyevtit mediasiskáldâsâid kuulmâ sämikielân já suomâkielân. Govva: Vesa Toppari / Yle

Yle Säämi ocá anarâš-, nuorttâlâš- já tavesämikielâlâš uđđâ pargeid hárjuttâllâmohjelmân.

Ohjelm juáhás kyevti uásán: hárjuttâllâm álgá vyesimáánu aalgâst muádi oho journalism intensiivkurssáin já tast maŋa lii keesi kukkosâš hárjuttâllâm Yle Säämi toimâttâsâst. Nuuvt kočodum traineeohjelmist máksoo Yle pargoiähtusopâmuš miäldásâš hárjuttâllâmpälkki.

Hárjuttâlmist piäsá máttááttâllâđ keevâtlávt nuuvt radio-, nettisaavâi- ko meiddei tv-toimâttempargo. Oovdeb hárjánume journalismist ij käibiduu.

– Traineeohjelm heivee pyereest ovdâmerkkân ollâškovlâuáppeid. Jis tun lah Oulu ollâopâttuv uáppee, uážuh traineeohjelmist meiddei uáppučuággáid. Nube tááhust ohjelm puáhtá leđe muulsâiähtu meiddei luvâttuv maŋa, ko vala smietah čuávuvâš läävhi, muštâl Yle Säämi hovdâ Maiju Saijets.

Uuccâmäigi ohjelmân lii tääl álgám já tot pištá 5.4. räi. Hárjuttâlmân väljejuvvojeh 5–6 ulmuu.

Lasetiäđuid hárjuttâllâmohjelmist já ucâmist puávtáh luuhâđ tääbbin.

Varrasamosat: Säämi

Váldoođđasat

Varrasamosat

Muualla Yle.fi:ssä