Sápmi |

Yle Sámi Ealli arkiiva fállá eallilan olbmuid muitalusaid

Dán áigge olbmot hálidit gullat fearániid ja máidnasiid. Čakčamánu 11. beaivve rájes Ealli arkiiva -neahttasiidduin ja čakčamánu 14. beaivve rájes radios gullojit davvisámegielat máinnasteaddjit.

Jietnabáddi
Govva: Jonne Järvinen / Yle

Yle Sápmi fállá muitalanárbevieru ja maiddái árbedieđu dán čavčča Ealli arkiiva -radiosáddagiin sihke neahttabálvalusas Ealli arkiiva.

Doaimmahus lea válljen álggos gávcci muitaleaddji sierra guovlluin Sámis. Eanaš oassi dáin muitaleaddjiin leat juo váldjolan eret. Muitaleaddjit hálddašit iešguđetlágan muitalanvieruid. Okta govvida dárkket iežas mánnávuođa ja bajásšaddama sihke áigáiboađu, nubbi fas lea čeahppi loktet ovttat fearána máinnasin.

Vuosttas muitaleaddjiid leat vállljen sierra guovlluin Sámis    

Muitaleaddjit leat Antti Peltovuoma (1928 - 2009) ja  Inkeri Hetta (r.1912) Burdnomohki ja Vuohču guovllus, Nils-Tomas Labba Badje-Sohpparis (r. 1924), Maareta Näkkäläjärvi Eanodagas, Olavi Holmberg ja Inga Näkkäläjärvi Anáris sihke Rauna Aikio (1913 - 2007) ja Vilho Pohjanrinne (1928 - 2004) Ohcejogas.

Dan maŋŋáge Yle Sápmi fállá Ealli arkiiva -namain lasi muitalusaid buohkaide gullanláhkai. Muitalusain, maid Yle Sápmi lea áiggid čađa vurken, gullo eallinviisodat ja čehppodat geavahit ávkin luonddu attáldagaid.

Máinnas, muitalus, fearán, cuvccas...

Sátni máinnasteapmi gokčá mánga sierralágan ovdanbuktinvuogi. Muitalusat ja fearánat leat ollugiid miellagovas lagabus duođa go máidnasat ja cukcasat. 

Duođa ja miellagovavallama, fantasiiia rádjá sáhttá muhtin muitalusaiin báhcit guldaleaddji árvvoštallama duohkái.

Yle Sápmi jearai gieskat vásihusaid ja sávaldagaid radioguldaleaddjiin. Dánge vuoro ollugat máinnašedje iežaset sávaldahkan beassat gullat máidnasiid ja fearániid. 

Muitalusat almmuhuvvojit Ealli arkiiva -neahttabálvalusas moadde ain vahkus ja Yle Sámi radiokanálas Ealli arkiiva davvisámegielat ságaid sáddenáigi leal duorastagaid diibmu 10.00 ja nuppádassii diibmu 13.00.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä