Sápmi |

Yle Sámi eanemus olbmuid olahan sámegielat ođđasat: Jussi bálkkašupmi, rahkisvuođamuitalus ja Deanu soahpamuš leat beroštahttan dán jagi

Geahča dás, mat sámegielat artihkkalat geasuhedje eanemusat lohkkiid jagis 2017!

Katja Gauriloff
Govva: Markku Ulander / Lehtikuva

1. Sámegielat Yle Sámi neahttaođđasiin eanemus olbmuid dán jagi lea olahan artihkal Katja Gauriloffa Jussi bálkkašumi vuoittus: ”Täidd leeʹd vuõssmõs säʹmmlaž ǩii lij Jussi-ciist väʹlddmen vuâstta”.

Artihkal muitala das go Katja Gauriloff vuittii njukčamánus Jussi bálkkašumi, dokumeanttain “Mánu meahcci Kaisa”. Ášši lea čallon Katja Gauriloffa giitos-sága vuođul.

2.

Riikka Morottaja Eero Morottaja
Govva: Riikka Morottaja
Nubbin eanemus olbmuid lea olahan neahttaášši Eero ja Riikka Morottaja ráhkisvuođas: “Kulmâ ive tassaaš tuárnuslâš Eero Juntti rähistui säminieidân – Onne sust šadda hiärrá Morottaja”.

Áššis muitaluvvo duortnuslaš Eero ja Anárlaš Riikka Morottaja ráhkisvuođabálgás. Ášši almmustuvai sutno headjabeaivve, geassemánus 2017.

3.

Uula Tapiola
Govva: Ville-Riiko Fofonoff / Yle
Goalmmádin eanemus olbmuid lea olahan ođas Ohcejoga dilis maŋŋá Deanu soahpamuša: Ohcejoga márkan lea guorranan ja turisttat jávkan – "Jos mii livččiimet Fránskkas, nu dáppe sáhtášedje viehka stuimmit jo"

Yle Sápmi jearahalai várás ohcejohkalaš fitnodatdolliid Uula Tapiola ja Petteri Valle. Soai muitaleaba, ahte ođđa Deanu soahpamuša lea garrasit čuohcan luossaturismii.

4.

Sápmi goes Pride!
Govva: Priváhtta / Anne Olli

Njealljádin eanemus lohkkojuvvon sámegielat artihkal lea ođas, mii lea čállojuvvon Helssega Pride -dáhpahusas. "Lea dehálaš, ahte mii oidnot" – Sámit vázze olles joavkkuin Helssega Pride -ráiddus

Áššis muitaluvvo, ahte Suoma Sámi Nuorat -searvi ja City Sámit -searvi válde oasi Helssega Pride -dáhpáhusa ráidovázzimii. Ráidovázzimii oassálastán Anne Olli muitalii, ahte lea dehálaš sii oidnojit. Olli mielas lea dehálaš, ahte olbmot dihtet, ahte sámeservodagasge lea sadji queer-olbmuide.

5.

Leena Fofonoff
Govva: Derrick Frilund / Yle

Viđadin eanemus lohkkon ođas jagis 2017 lea čoahkkaigeassu sámiin, geat leat manname Suoma iehčanašvuođabeaidoaluide Presideantta šlohttii: Dán jagi sámenuorat oidnosis Presideantta iehčanasvuođabeaidoaluin

27.12.2017 dii 12:13 divvojuvvon vuosttas kapihttalis Kaisa Gauriloff namma riekta Katja Gauriloff hábmái.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä