Koe uusi yle.fi
Sápmi |

Yle Sámi ođđa fásta hoavda válljejuvvo lagamus áiggiin

Yle ii sáhte muitalit ohcciid meari iige namaid.

Yle Sápmi
Govva: Vesa Toppari / Yle

Ohcanáigi Yle Sámi fásta hoavdan nogai gaskavahku. Yle ii sáhte muitalit ohcciid namaid iige dárkiles ohcciid meari, go ohcanproseassa lea luhtolaš, muitala Yle guovlluid hoavda Jyri Kataja-Rahko.

– Mii geahččalit ovddidit proseassa nu johtilit go vejolaš, ja dieđihit dalánaga go leat geargan válljemiin, lohká Yle guovlluid hoavda Jyri Kataja-Rahko.

Yle Sámi hoavdda ovddasvástádussan leat doaimmahusa bargoveahka sihke Yle sámegielat ođas- ja áigeguovdilisáššiid sisdoalut radios, neahtas ja tv:s. Yle Sámi hoavda doaibmá Yle sámegielat sisdoaluid vástideaddji doaimmaheaddjin.

Yle Sápmi buvttada ođas- ja áigeguovdilisságaid lassin maiddái mánáidprográmmaid Unna Junná ja Binna Bánna. Buvttadeapmi lea golmma sámegillii.

Ovddeš hoavda Pirita Näkkäläjärvi celkkii iežas eret suoidnemánus. Näkkäläjärvi lea mannan čavčča rájes leamašan oahppoluomus. Su sadjásažžan Yles lea bargan Maria Saijets.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä