Sápmi |

Yle Sámi ođđa ságastallanprográmmas studioguossit vihkkehallet ja ságastallet sámiide beroštahtti áššiin

Ásllat Paltto lágidan ođđa ságastallanprográmmas Yle Sámi –kanálas suoskkadit, vihkkehallet ja ságastallet áigeguovdilis fáttáin. Ságastallanprográmma álgá vuossárgga 3.9.2018 dii 14.30.

Ásllat Paltto ságastallanprográmma suoskkada áigeguovdilis fáttáid.
Ásllat Paltto ságastahttá Govva: Ásllat Paltto / Yle

Maidson olbmot oaivvildit ealgabivddus, sámeguovllu eanageavaheamis dahje vaikko sámi skuvladilis? Maiddái boazodoallu ja sámiid vuoigatvuođat soitet oalle beroštahtti fáttát, main livčče miellagiddevaš gullat olbmuid ságastallamin seamma beavdeguoras.

Ovdamearkan dákkár fáttáid birra ságastallá ovttas studiogussiinguin doaimmaheaddji Ásllat Paltto Ásllaga Á-studio -ságastallanprográmmas.

– Boahtte vuossárgga Ásllaga Á-studios fáddán lea sámi museadoaibma ja dat makkár mearkkašupmi midjiide sápmelaččaide lea Sámemusea ja luondduguovddáš Siiddas, muitala Paltto vuosttas sáddaga sisdoalus.

Čakčamánus Ásllaga Á-studio suoskkada maiddái Jiekŋameara ruovdemáđijai gullevaš plánaid ja báikkálaš olbmuid jurdagiid das, gos máđija ii aŋkke sáhtášii johtit.

Ásllaga Á-studio sáddejuvvo vuossárggaid diibmu 14.30 – 16.00 Yle Sámi –kanálas.

Varrasamosat: Sápmi

Váldoođđasat

Varrasamosat

Muualla Yle.fi:ssä