Sápmi |

Yle Sámi Ođasluohkká lea mielde riikkaviidosaš njuolggosáddagis – Ođasluohká beaivve Yle almmustahttá nuoraid doaimmahan áššiid

Riikkaviidosaš Yle Ođasluohká beaivve 25.4. beasat oaidnit, gullat ja lohkat skuvlalaččaid doaimmahan áššiid Yle kanálain.

Yle uutisluokan Karigasniemen oppilaat kuvaavat uutisjuttua
Gáregasnjárgga ođasluohká oahppit barggus. Joona Kitti govvemin. Govva: Xia Torikka / Yle

Otne duorastaga Yle kanálat leat dievva mánáid ja nuoraid ráhkadan áššit, go Yle Ođasluohkká -prošeakta nohká Ođasluohká beaivái. Ođasluohká beaivvis sáddejuvvo njuolggosátta Yle Areenas, mas maiddái Yle Sámi Ođasluohkká lea mielde. Sátta álgá dii 12.00 ja bistá sullii diibmobeali.

Yle Sámi Ođasluohká oahppit leat dán jagi Gáregasnjárgga 7. luohkálaččat. Sii leat giđa mielde ráhkadan sisdoalu tv:i, radioi ja nehttii. Sin lea bagadallan Yle Sámi doaimmaheaddji Xia Torikka.

Yle uutisluokan Karigasniemen oppilaat
Yle Sámi Ođasluohká, Gáregasnjárgga 7. luohká oahppit. Govva: Xia Torikka / Yle

Duorastaga Yle Ođđasiin ja davviriikalaš Ođđasiin oaidnit Ole Niittyvuopio ja Joona Kitti ráhkadan tv-ášši mohtorgielkkáin. Yle Sámi iđidis sáhttá guldalit Áslat Pieski, Markus Rasmus ja Andaras Outakoski filbmaárvvoštallama Coco-animašuvnnas ja dan sáhttá lohkat maid neahtas. Otne gánneha maid čuovvut Yle Sámi Instagram-konttu, go dan hálddašeaba Pihla Pieski ja Vilma Halonen ovttas ođasofelaš Xia Torikkain.

Yle Ođasluohkká -prošeavttas lea iežas neahttasiidu, gos gávdná buot giđa áigge buvttaduvvon sisdoaluid.

Ođasluohkká lea Suomas riikkaviidosaš prošeakta, man Yle lea lágidan jagi 2014 rájes. Prošeavtta dárkkuhus lea buoridit nuoraid medialohkandáiddu.

Varrasamosat: Sápmi

Váldoođđasat

Varrasamosat

Muualla Yle.fi:ssä