Sápmi |

Yle Sápmi álggaha iežas kolumnaráiddu – mielde gávcci sáme- ja suomagielat čálli

Yle Sápmi almmustahttá kolumnaid sihke neahtas ja rádios.

Yle Sámi kolumnisttat / Yle Sápmin kolumnistit
Yle Sámi kolumnisttat Tuomas Kiprianoff (gur. badjin), Leena Niittyvuopio-Jämsä, Ailu Valle, Helga West, Tuija Guttorm (gur. vuollin), Jussa Seurujärvi, Marianne Ketola ja Mikkel Näkkäläjärvi. Govva: Kuvakollaasi: Yle, Kira Hagström, Marko Vasara, Iina-Marja Juuso

Yle Sápmi almmustahttigoahtá sáme- ja suomagielat kolumnaid.

Kolumnaid buvttadit gávcci čálli, geat ovddastit iešguđetlágan ruoktoguovlluid ja sámi giella- ja kulturduogážiid. Kolumnisttat leat lifestyle-bloggačálli ja minimalista Tuija Guttorm Ohcejogas, boazodoalli ja boazodoallostudeanta Marianne Ketola Gárasavvonis, guolásteaddji ja nuortalašgiela studeanta Tuomas Kiprianoff Avvilis, doavttir ja boazodoalli Leena Niittyvuopio-Jämsä Oulus, politihkkár Mikkel Näkkäläjärvi Roavvenjárggas, boazodoalli Jussa Seurujärvi Bárttehis, artista Ailu Valle Anáris ja bloggačálli ja teologa Helga West Otepääs Mátta-Estteeatnamis.

Yle Sápmi almmustahttá kolumnaid juohke goalmmát vahku. Almmustahttinbeaivi lea álo vuossárga. Kolumnaid beassá lohkat teakstan Yle Sámi neahttasiiddus ja guldalit čálliid iežaset bádden jietnan Yle Areenas ja Yle Sámi radiokanálas. Rádios kolumnat čudjet almmustahttinbeaivve Yle Sámi iđit -sáddagis diibmu 7.45 ja Dearvva! Tiõrv! Tiervâ! -veaigesáddagis diibmu 14.45. Čállit válljejit ieža buvttaditgo kolumnaset sáme- vai suomagillii.

Ráiddu vuosttas kolumna almmustuvvá neahtas ja rádios vuossárgga 2.9. Vuosttas kolumna čálli lea politihkkár Mikkel Näkkäläjärvi.

Varrasamosat: Sápmi

Váldoođđasat

Varrasamosat

Muualla Yle.fi:ssä