Sápmi |

Yle Sápmi almmustahttá fas olles kulturmearreruhtalisttu – Sámediggi almmustahtii dušše organisašuvnnaid dieđuid

Sámediggi lea almmustahttán neahttasiidduinis, mat organisašuvnnat ožžot sámi kulturmearreruđaid dán jagi. Sámediggi ieš ii almmustahte ovttat olbmuid namaid, muhto Yle Sápmi oaččui namaid maŋŋebárgga áššegirjjiid bivdima maŋŋá.

Jietna: Susanna Guttorm / Yle

Sámedikki kulturlávdegoddi lea almmustahttán, geat leat ožžon jagi 2015 kulturmearreruđaid.

Kulturlávdegoddi juogádii čoahkkimisttis 22.–23.1.15 davviriikkalaš sámeorganisašuvnnaid veahkkeruđaid 15 000 euro ovddas ja kulturmearreruđaid oktiibuot 176 000 euro ovddas.

Sámediggi lea almmustahttán neahttasiidduinis , mat organisašuvnnat ja searvvit ožžot doarjaga.

Sámediggi ieš ii almmustahte, geat ovttat olbmot ožžot ruhtadoarjagiid. Yle Sápmi goit oaččui – dego diibmáge – daid dieđuid maŋŋebárgga áššegirjjiid bivdima maŋŋá ja almmustahttá daid.

Sámi kulturmearreruđas ovttat olbmuide mieđihuvvon kulturdoarjagat 2015

Govvadáidda

Marja Helander, Gáfestallan-videobargui 2 000 euro

Outi Pieski, dáiddalaš bargui ja čájáhusa ráhkadeapmái 2 000 euro

Girjjálašvuohta

Sunna Kitti, ráidogovaid sárgumii 4 000 euro

Anne Mäkinen, nuortalaččaid árbevirolaš bearraldujiid oahppomateriálii 2 000 euro

Musihkka

Ingá-Máret Gaup-Juuso, CD-skearru almmustahttimii 4 000 euro

Duodji

Petteri Laiti, čájáhusbargguid válmmaštallan, bagadallan ja čájahusaide oassálastimii 2 000 euro

Filbma ja multimedia

Jarno Mäki, nuortalašgielat mánáid oanehisanimašuvnnat ja digigirji 1 900 euro

Eará kulturdoarjja

Inka Kangasniemi, Kiven Henki -čikŋadáiddabarggut Anáraš-kalenderii 2016 2 000 euroa

Merja Aletta Ranttila, galleria ja ateljé doallamii 4 000 euro

Almmustahttindoarjja

Niillas Holmberg, diktačoakkáldaga almmustahttimii 4 000 euro

Mátkeveahkkeruđat

Marja Helander, Sámi Comtemporary -čájáhusa rahpamii Berliinii 300 euro

Anna Näkkäläjärvi-Länsman, Complete Vocal Technique lávlunskuvlii Helssegii, 1 700 euro

Outi Pieski, Dálá Sámi dáidda -čájáhussii Berliinii 500 euro

Divvojuvvon 6.2.2015. diibmu 12.55: Lasihuvvon sánit "davviriikkalaš sámeorganisašuvnnaid" cealkagii "Kulturlávdegoddi juogádii čoahkkimisttis 22.–23.1.15 davviriikkalaš sámeorganisašuvnnaid veahkkeruđaid 15 000 euro ovddas ja kulturmearreruđaid oktiibuot 176 000 euro ovddas."

Varrasamosat: Sápmi

Váldoođđasat

Varrasamosat

Muualla Yle.fi:ssä