Sápmi |

Yle Sápmi almmustahttá Sámi Sherlock ja smáhkabihtáža Unna Junnás Yle Areenas álbmotbeaivve gudnin

Yle Sápmi fállá mediasisdoalu mánáide ja nuoraide álbmotbeaivvi gudnin.

Video: Govva Sámi Sherlock oanehisfilmmas.
14:35
Video: Yle Areena

Nuoraide oaivvilduvvon Sámi Sherlock -ráiddu pilohtaoassi almmustahtto Yle Areenas álbmotbeaivvi gudnin.

Sámi Sherlock lea Yle Sámi buvttadan nuoraidráidu, mii vuođđuduvvá oahpes Sherlock Holmesii. Ráiddus Sergei "Sherlock" Holmberg čoavdá ovttas Jovn-Ánde "Waltson" Wallein rihkkosiid ja eará eahpečielggas dáhpáhusaid Sámis. Ráiddu nástin leaba Nigá Aikio ja Mikkal Morottaja, muhto pilohtaoasis leaba mielde maiddái Sverre Porsanger ja Áslat Holmberg.

Ráiddu pilohtaoassi čájehuvvui vuosttas geardde Skábmagovat-filbmafestiválas.

Unna Junná smáhkabihtá maiddai Yle Areenas

Yle Sápmi almmustahttá Yle Areenas sámi álbmotbeaivve gudnin mánáid illun smávva smáhkkabihtá ođđa Unna Junnáin. Yle Areena -čoakkáldagas leat mielde oasit Saammâl ja meeci kunâgâs-girjji vuođul dahkkon ráiddus, ja Sä’ppli jeäʹlstõõzz-ráiddus (Sä’ppli-sáhpána fearánat). Mielde leat maid mánáid iežaset oaivilat dehálaš áššiid birra.

Video: Unna Junná
04:47
Video: Yle Areena

Dán giđa vuosttas Unna Junná -prográmma sáddejuvvo maŋit vahku vuossárgga, 19. beaivve, Yle Fem kanálas dii 8.33. Vuossárgga sáddenáigi lea dábálaččat Yle TV2 -kanálas, muhto Olympia-gilvvuid áigge buot Yle mánáidprográmmat čájehuvvojit Yle Fem-kanálas

Lasihuvvon 6.2.2018 dii:12:55 liŋkkat filmmaide. Maiddai váldogovva rievdaduvvon.

Varrasamosat: Sápmi

Váldoođđasat

Varrasamosat

Muualla Yle.fi:ssä