Sápmi |

Yle Sápmi čuovui Sámedikki čoahkkima: oassi áirasiin earenoamáš duđavačča sámediggeláhkaođastusa evttohussii – Magreta Sara: evttohusas báitá sámi vuoigŋa

Čoahkkin beasai álgit teknihkalaš váttisvuođaid maŋŋá diibmu 9.38 ja Yle Sápmi čuovui čoahkkima gitta eahkeda rádjái.

Saamelaiskäräjien kokous Saamelaiskulttuurikeskus Sajoksessa
Sámedikki dievasčoahkkin lea koronaepidemiija dihte oassái gáiddusin. Govva: Vesa Toppari / Yle

Sámediggi čoahkkana maŋŋebárgga 22.6. goalmmát dievasčoahkkimii dán jagi.

Čoahkkimis gieđahallet earret eará Sámedikki skuvlenpolitihkalaš doaibman- ja ovddidanprográmma jagiide 2020–2023, evttohusaid iešguđet suorggi mearreruđaid geavaheapmái jahkái 2023 sihke gevvet sáttaságastallamiid sámediggeláhkaođastusas ja sámiid kulturiešráđđema ollašuhttimis dološmuitolága ođastusas.

Sámedikki skuvlenpolitihkalaš doaibman- ja ovddidanprográmmas 2020–2023 evttohit ovttasbarggu Suoma ja Norgga oahppamateriálabuvttadeamis. Prográmmas daddjo, ahte Davviriikkain váilot buorit sámegielat oahppamateriálat. Ovttasbarggu leat goittotge hehtten prográmma mielde golmma riikka iešguđetlágan vuogit bargat oahppamateriála.

Evttohusas sámiid sosiála- ja dearvvasvuođabálvalusaid stáhtadoarjagis jahkái 2023 Sámediggi evttoha, ahte Anára gielddas sosiála- ja dearvvasvuođabálvalusaide várrejuvvo stáhtadoarjja, nu ahte sápmelaččat oaččošedje bálvalusaid buot golmma sámegillii.

Dievasčoahkkimis gevvet maid sáttaságastallamiid sámediggeláhkaođastusas ja sámiid kulturiešráđđema ollašuhttimis dološmuitolága oppalašođastusas.

Áššelistu

5 § Sámedikki jagi 2020 ruhtadoalloloahpaheami dohkkeheapmi

6 § Sámiid skuvlenpolitihkalaš doaibman- ja ovddidanprográmma 2020–2023

7 § Evttohus sámegielat árrabajásgeassinbálvalusaid sihkkarastima ja ovddideami várás jagi 2023

8 § Evttohus sámegielat oahppamateriála buvttadeami várás jagi 2023

9 § Evttohus sámiid sosiála- ja dearvvasvuođabálvalusaid sihkkarastima ja ovddideami várás jagi 2023

10 § Evttohus sámi kulturmearreruhtan jagi 2023

11 § Evttohus sámi dáidaga ja kultuvrra ovddideami várás jagi 2023

12 § Sáttaságastallan sámediggeláhkaođastusa joatkkaválmmaštallamis

13 § Sáttaságastallan sámiid kulturiešráđđema ollašuhttimis dološmuitolága oppalašođastusas

14 § Ovddasteaddjiid nammadeapmi Sámi oahpahusguovddáža stivrii

15 § Ságajođiheaddjiid ja Sámedikki ovddastan lahtuid oppalašgeahčastagat

16 § Eará ovdan boahtti áššit

17 § Almmuhanáššit

18 § Čoahkkima loahpaheapmi

Varrasamosat: Sápmi

Váldoođđasat

Varrasamosat

Muualla Yle.fi:ssä