Sápmi |

Yle Sápmi dálveáigái – tv-ođđasat álget

Iđitsátta ja tv-ođđasat máhccet vuossárgga prográmmii, go Yle Sápmi sirdašuvvá dálveáigái 19.8.2019.

Yle Ođđasat, Mikkal Morottaja
Yle Ođđasat máhccet vuossárgga geassebottus diibmu 16.45 Yle TV1:žis. Govva: VT / Yle

Yle Sápmi sirdašuvvá boahtte vuossárgga dálveáigái.

Radiosáddagat álget fas iđđes čieža áigge ja radioođđasat diibmu 7.30. Ođđasat gullojit maiddái Buorre iđit Sápmi -sáddagis diibmu 8.00, 8.30, 9.00 ja 9.30.

Čavčča vuosttas Binna bánna gullo boahtte vuossárgga ja Sohkaršohkka juo dán vahku duorastaga, borgemánu 15. beaivve.

Tv-ođđasat oidnogohtet

Maiddái tv-ođđasat álget vuossárgga borgemánu 19. beaivve. Yle Ođđasat oidnogohtet vuot juohke árgabeaivve diibmu 16.45 Yle TV 1:žis. Davviriikalaš sámegielat Ođđasat oidnojit maid juohke árgabeaivve maŋŋit eahkedis Yle TV 1:žis.

Mánáid tv-prográmma Unna Junná álgá tv:s čakčamánu 9. beaivve. Unna Junná -čakčabaji prográmmat čájehuvvojit gitta 16.12.2019 rádjái. Buot mannan giđa Unna Junná-prográmmat leat oaidnimis Yle Areenas čakčamánu rádjái.

Radios dálveáigi bistá gitta boahtte jagi geassemánnui.

Varrasamosat: Sápmi

Váldoođđasat

Varrasamosat

Muualla Yle.fi:ssä