Sápmi |

Yle Sápmi ordne vuosttaš válgatentte odne Anáris Sajosis – boađe báikki ala ja gažat evttohasaid!

Yle Sápmi lágida álbmottenttiid vel boahtte vahkkus Helssegis ja nuppádassii Anáris.

Martta Alajärvi ja Aslak Paltto
Válgatenttiid láidesteaba doaimmaheaddjit Martta Alajärvi ja Aslak Paltto. Govva: Vesa Toppari / Yle

Yle Sápmi ordne čavčča sámediggeválggaid oktavuođas odne duorastaga 22.8. vuosttaš válgatentte. Vuosttaš gažadandilálašvuohta ordnejuvvo Anáris kulturguovddáš Sajosis diibmu 13-14.

Dilálašvuohta lea buohkaide rabas ja ulbmilin leage, ahte tenttiin leat jienas maiddái jienasteaddjit, geat besset ieža gažadit evttohasaid sidjiide dehálaš áššiin.

Ságastallama láidesteaba doaimmaheaddjit Aslak Paltto ja Martta Alajärvi.

Dat jienasteaddjit, geat eai beasa báikki ala, sáhttet sáddet gažaldagaid Yle Sámi neahttasiiddu bokte. Válgatentte láidesteaddjiguoktá de jearraba evttohasain daid gažaldagaid jienasteaddjiid bealis.

Válgatenttiid sáhttá geahččat maŋŋel Yle Areenas

Yle Sápmi lágida vel boahtte vahkkus álbmottenttiid Helssegis ja nuppádassii Anáris. Helssega válgatente ordnejuvvo guovddášgirjerájus Oodis vuossárgga 26.8. diibmu 13–14 ja Anára válgatenteges Sajosis duorastaga 29.8. diibmu 13–14.

Buot válgatenttet govvejuvvojit ja almmustahttojuvvojit diibmosaš prográmman Yle Areenas vuossárgga 9.9. ja čuojahuvvojit jietnan rádios Yle Sámi Dearvva! Tiõrv! Tiervâ! -sáddagiin 9.–11.9. diibmu 15–16.

Dilálašvuođat leat suomagillii, muhto Yle Areenas almmustuvvi prográmmat tekstejuvvojit davvisámegillii.

Varrasamosat: Sápmi

Váldoođđasat

Varrasamosat

Muualla Yle.fi:ssä