Sápmi |

Yle Sápmi rahpá jagis 2017 Sámi Ealli arkiivva – Boares sámegielat báttit internehttii

Yle Sápmi fállá boares sámegielat prográmmaid neahtas farga seamma vugiin go Yle Elävä arkisto lea dál 10 jagi fállan suomagielat ja ruoŧagielat sisdoalu. Ulbmilin lea almmustahttit Yle Sámi Ealli arkiiva -siidduid sápmelaččaide ja sámegielas beroštuvvan olbmuide golmma sámegillii jagis 2017.

Jouni Aikio
Yle Sámi doaimmaheaddji Jouni Aikio digitere boares báttiid sámegielat Ealli arkiivii. Govva: Vesa Toppari / Yle

Yle Sápmi almmuha boahtte jagi sámegielat boares radioságastallamiid interneahtas seamma vugiin go Yle Elävä arkisto lea dál 10 jagi fállan suomagielat ja ruoŧagielat sisdoalu.

Ulbmilin lea almmustahttit Yle Ealli arkiiva -siidduid sápmelaččaide ja sámegielas beroštuvvan olbmuide golmma sámegillii jagis 2017, go Yle Sápmi deavdá 70 jagi ja Suopma 100 jagi. Seamma jagi  lea maid gollan 100 jagi sápmelaččaid vuosttas davviriikalaš čoahkkaneamis.

Dán muttus Yle Sámis gullojit jo anáraš- ja nuortalašgielat vuorkáságat maid sáhttá guldalit Yle Areenas, muhto Sámi Ealli Arkiivii bohtet jiena lassin neahttaartihkkalat.

Vuorkkás lagabui 10 000 prográmma

Yle Sámi báddevuorkkás leat radioságat 1960-logu loahpa rájes. Stuorra oassi dáin ságain leat studiobáttiin doaimmahusdálus Anáris. Studiobáttit leat hilduin sullii 3 000, dain leat buohkanassii lagabui 10 000 prográmma.

Oassi muitalusain leat DAT-kasehtain ja CD-R skearruin. Ovdalgo ságaid sáhttá almmuhit interneahta bokte, daid ferte sirdit digitálalaš hápmái.

Sámegielat Ealli arkiivva čohkkenbargu lea álgán Yle Sámis giđđat 2016. Digiterema bargá Yle Sámi doaimmaheaddji Jouni Aikio.

Varrasamosat: Sápmi

Váldoođđasat

Varrasamosat

Muualla Yle.fi:ssä