Sápmi |

Yle Sápmi sirdašuvvá geasseáigái mihcamáraid maŋŋá

Yle Sámi geasseáigi nohká 19.8.2018.

Kaisa Aikio
Govva: Vesa Toppari / Yle

Yle Ođđasat tv-sátta, davviriikalaš Sámi tv-ođđasat, Yle Sámi iđit -rádiosátta ja Sohkaršohkka -rádiosátta báhcet geasseboddui vuossárgga geassemánu 24. beaivvi rájes.

Vaikko tv-sáddagat báhcet lupmui, de rádiosáddagat jorret olles geasi.

Yle Sámi Dearvva! Tiõrv! Tiervâ! -veaigesátta álgá dii 14.30–16.00. Yle Ođđasat Sámis sáddejuvvojit rádios diibmu 15.00.

Maŋŋebárgga, gaskavahku ja duorastaga Dearvva-sáddagis gullat Johtti rádio, mas doaimmaheaddjit johtet guđa vahku áigge miehtá Suoma ja sáddejit njuolggosáddagiid muhtin sajis Suomas. Johtti Rádio johtigoahtá boahtte vahkus Ohcejoga guovllus.

Geasi áigge Johtti Rádio johttá maiddái Eanodaga, Oulu, Roavenjárgga ja Soađegili guovlluin. Davviriikkalaš Buorre iđit Sápmi -rádiosátta gullo dego dábálaččat árgabeivviid diibmu 8.00–10.00.

Dálveáigái máhccat sihke TV:s ja rádios borgemánu 19. beaivvi, earret Sohkaršohkka čavčča vuosttas sátta sáddejuvvo jo borgemánu 15. beaivvi.

Yle Sámi geasseáigodaga áigge boares Binna Bánna -sáddagat, Ellee arkkâdâh -sáddagat ja arkiiva- ja rohkossáddagat sáddejuvvojit nuppádassii.

Yle Saamen kesäkaavio 2019
Yle Sámi geasiáigodaga prográmmaid oainnát dás. Govva: Yle Sápmi

Divvojuvvon 24.6.2019 dii 15:29: Johtti Rádio sáddejuvvo maŋŋebárgga ja gaskavahku lassin duorastaga, ii bearjadaga nu mo vuos muitaleimmet.

Varrasamosat: Sápmi

Váldoođđasat

Varrasamosat

Muualla Yle.fi:ssä