Säämi |

Yle uárnee sävnipeeivi taan oho lávurduv – Tääl lii máhđulâšvuotâ peessâđ sáávnán kuus jieh táválávt pesâččii

Sävnipeivi lii 27.7. Meiddei sämikuávlust lii máhđulâš valjiđ kuus haalijd moonnâđ sáávnán.

Video: Räji-Joovsep sävni
Video: Sáárá Seipiharju / Yle

Yle uárnee sävnipeeivi. Sävnipeivi lii lávurduv 27.7 já peeivi tárguttâs lii juhlođ syemmilâš sävnikulttuur já finniđ puoh saavnijd Suomâst áávus.

Sämikuávlust láá meid almottâm saavnijd fáárun. Sämikuávlust puáhtá moonnâđ Yle mieldi sáávnán ovdâmerkkân Avelist, Njellimist, Ucjuuvâst, Anarist, Kärigâsnjaargâst já Kaamâsist. Vala puáhtá almottiđ jieijâs säävni fáárun.

Luuvâ eenâb suomâkielân.

Tääl lii meiddei máhđulâš peessâđ sávnuđ taggaar sajan kuus ij táválávt peesâ.

Räji-Joovsep sävni
Räjivaahtâh eellih táválávt säävnist jyehi peeivi. Govva: Sáárá Seipiharju / Yle

Laapi räjikosáttâh (su. Lapin rajavartiosto) liäkká saavnijd moh iä táválávt lah áávus eres ulmuid ko räjivaavtâid. Sävnipeeivi lii máhđulâš sávnuđ Räji-Joovsep kuávlust, Sallast já Virdenjaargâst.

Kost šoodâi juurdâ vyelgiđ fáárun?

– Juurdâ vyelgiđ fáárun poođij räjikosáttâh viestâdemovtâstuvvâst. Laapi räjikosáttâh haalijd tuárjuđ sävnikulttuur, eromâšávt ko lievlâ liegâsvuođâst lii stuorrâ merhâšume räjialmaid já nisonáid, iätá Maajur Pekka Ravela.

– Mij vyerdip motomijd ulmuid. Ennuv ulmuuh iä kenski puáđi ko säävnih láá kukken čuákkipaaihijn. Tuáivup, ete pääihi oolâ puáttee ulmuuh navdâšiččii lievlâin já siämmást peessih uápásmuvvâđ já savâstâllâđ räjialmaigijn.

Mondiet taid syeligâs saavnijd iä talle peesâ puoh ulmuuh?

– Puoh räjikosáttuv säävnih iä lah áávus ulmuid, jo tuše tondiet ko säävnih láá nuuvt ennuv. Stuárráámus uási saavnijn láá nuorttâ rääjist, muštâl Ravela.

Sävni
Lávurduv lii eromâš máhđulâšvuotâ peessâđ sáávnán, kuus jieh mudoi peesâ. Govva: Sáárá Seipiharju / Yle

Aanaar kieldâst puáhtá sávnuđ käävci sierâ säävnist: Räjikosáttuv säävnist Virdenjaargâst, Räjikosáttuv säävnist Räji-Joovsep kuávlust, Njiävđámist: Näätämö Gateawayst, Čevetjäävrist: Sevetin Baarist, Kaamâsist: Lomakylä Jokitörmä riddosäävnist já Lemmeest: Lemmenjoen lumost. Anarist: Nannakalast já Aurora Village Oy Panorama säävnist.

Ucjuuvâ kieldâst láá nelji säävni. Ucjuuvâst: kylátáálu Sáivust, Lomakylä Vallest. Njuárgámist: Luámukuávdáá säävnist.

Vuáččust lii meid máhđulâšvuotâ sávnuđ Tävgiväärist kollekylást já Vuotson maja -säävnist.

Iänuduv kuávlust láá nelji säävni: Hetan majatalost, Lapland hotels Kilpisist já Pallas-Yllästuoddâr aalmuglâšmeecist.

Varrasamosat: Säämi

Váldoođđasat

Varrasamosat

Muualla Yle.fi:ssä