Säämi |

Yle Uđđâseh lohhojeh onne anarâškielân tv:st

Yle Uđđâsij uđđâ uđâslohhen aalgât anarâškielâlâš Martta Alajärvi.

Martta Alajärvi.
Martta Alajärvi. Govva: Vesa Toppari / Yle Sápmi

Anarâškielâlâš Martta Alajärvi luvâškuát Yle Uđđâsijd.

Vuossmuuh Yle Uđđâseh, main lii anarâškielâlâš uđâslohhee puátih onne vástuppeeivi Yle TV1-kanavast tijme 16:45. Maŋeláá taid puáhtá keččâđ meiddei Yle Areenast. Ive 2018 vuossâmuu ohhoost Yle Uđđâsijd nuorttâlâškielân luvâškuođij Sara Wesslin.

Yle Säämi hovdâ Maiju Saijets kommentistij ive aalgâst uđâstus návt:

– Uđâstus mield anarâš- já nuorttâlâškielâliih peesih pyerebeht uáinusân riijkâviijđosâš läävdist tast ko Yle Uđđâseh čáittojeh ubâ Suomâst Yle TV1-kanavast, muštâl Yle Säämi hovdâ Maiju Saijets.

Yle Uđđâseh algii ive 2013 já taan räi Yle Uđđâseh láá lamaš iänááš tavesämikielân. Yle Uđđâsij uđâslohheeh láá tääl Kaisa Aikio (tavesämikielâ), Inger-Elle Suoninen (tavesämikielâ), Sara Wesslin (nuorttâlâškielâ) já Martta Alajärvi (anarâškielâ).

Varrasamosat: Säämi

Váldoođđasat

Varrasamosat

Muualla Yle.fi:ssä