Sokli ruvkeprošeavtta eanangoddelávas leat dahkkon golbma váidaga alimus hálddahusriektái.
Láva dohkkeheamis leat váidalan Giema-Soabbat bálggus, Sokli erämaana -nammasaš álbmotorganisašuvdna ja Lappi luonddusuodjalanbire.
Lappi lihtu ráđđehus mearridii odne evttohit alimus hálddahusriektái, ahte dat hilggošii váidagiid, mat gusket láva nannemii. Maiddái birasministeriija lea gáibidan váidagiid hilguma cealkámušastis, go dat lea dohkkehan Sokli ruvkke eanangoddeláva njukčamánu loahpas.
Suovvaguoikka gildii Sokli guvlui leat plánen hukset fosfáhtaruvkke, mas rokkašedje maiddái eará málmmaid dego urána.
