Miessevahátbuhtadusa vuođđun lea miessenproseanta ja dat rehkenastojuvvo dain spiriide borron misiin, mat eai gávdno. Bálgosiid ovttastusa ságadoalli Jukka Knuuti lea duđavaš miessevahágiid máksimii, daningo dat lea mearkkašahtti boahtu badjealbmáide.
Spirebuhtadusaid máksin ádjánii guhká ođđa fuođđodikšunlága fápmuiboahtima dihte. Eana ja meahccedoalloministeriija mávssii buhtadusa mánotbadji dassái, muhto rehkenastinsivain miessevahátbuhtadusat ja buhtadusat hui stuorra spirevahágiin máksojuvvo easkka loahppagease. Jukka Knuuti sávvá, ahte dat gearggašedje badjealbmáid konttuide ovdal čuovvovaš nettobaji.
YLE Sápmi/ Ailu Valle
