Guovžžat leat laskan Ohcejogas, muitala NRK Sámi radio. Ohcejoga olbmot leat oaidnán guovžžaid miehtá giđđageasi, eaige šat imaštala go oidnet dáid, muitala Ohcejoga fuođđogáhttensearvvi doaimmajođiheaddji Esa Vuomajoki.
Vuomajoki muitala ahte guovžabivdoplána ii leat olus ávkin Ohcejohkii, go sii šaddet juogadit bivdomeari Mátta-Suomain. Vuomajoki sávváge, ahte Davvi-Suopma fidnešii sierra bivdomeari.
