Ballun lea, ahte sámeboazodoalliide guoskevaš ealáhusdoarjagiid árvvostallet olbmot, geat eai dovdda boazodoalu, jus riikkabeivviide ovddiduvvon boazodoalu ja luondduealáhusaid ruhtadanláhka dohkkehuvvo evttohuvvon hámis. Danin Magga ávžžuha sámeboazodoalliid geahččalit oažžut láhkii nuppástusaid ráđđádallangeatnegasvuođaide guoskevaš mearrádusaide.
- Boazoolbmuidhan dát láhka guoská buot eanemus ja iežas ealáhusa beales ferte dalle váikkuhit, go dat lea vel vejolaš. Lágas lea ee. dakkár ráđđádallanparagráfa, mas daddjo ahte sámedikkiin galgá ráđđádallat sámeguovllus. Dás galggašii goittot leat maiddái dakkár vejolašvuohta, ahte sámebálgosat ja boazosámiid searvvit besset maiddái ráđđádallat, dasgo boazoolbmuid dát áššit gusket eanemus, lohká Magga.
YLE Sápmi/ Oula Näkkäläjärvi
