Ordarádji sirdašuvai johtilit bajásguvlui 1960-logu loahpas ja 1970-logus, vaikko jagit ledje galbmasat. Dalle ledje unnán bohccot, lohká professsor Terry Callaghan Ábeskovvu dutkanštášuvnnas. Dálkkádaga liegganeapmi sáhttá goit váikkuhit vuovdešaddui lastamáđuid ja eará divrriid lassáneami bokte, lohká Callaghan.
Artihkal lea 15 jagi boaris.
Bohccot váikkuhit ordaráji nuppástusaide Ruoŧas
Ruoŧŧelaš guohtundutkamušaid mielde bohccuid guođoheapmi váikkuha ordaráji vuovdešaddui eanet go dálkkádatnuppástus. Durnosjávrri guovllus Ábeskovvu dutkanštašuvnnas dahkkojuvvon čielggadus čájeha, ahte bohccuid mearri váikkuha ordaráji allodahkii eanet go dálkkádaga liegganeapmi.
