Komišuvnna bargun lea earret eará rádjeáiddiide guoski geavatlaš áššiid ovddideapmi, rádjeáiddiid ortnega čuovvun ja rádjeáidesoahpamuša dárkkisteapmi.
Rádjeáidekomišuvnna čoahkkima fáddán ledje áigeguovdilis áššit, nugo ovdamearkka dihtii rádjeáidesoahpamusa ođadeapmi ja dan dili dárkkisteapmi sihke Deatnoleagis vahágiid dahkki Norgga beale bohccot, muitala rádjeáidekomišuvnna Suoma beale jođiheaddji Hannu Linjakumpu.
Deatnoleagi bajágeahčen Suoma bealde ledje árvalusaid mielde olles duhát Norgga bohcco skábmamánus. Norga lea lohpidan máksit buhtadusaid Norgga bohccuid dagahan vahágiin Suoma bealde guovtti ovddit jagis oktiibuot sullii 120 000 euro. Dán jagi vahátbuhtadusain ii leat velá dahkkon mearrádus.
YLE Sápmi/ Ánde Aikio
