Big Brother -gilvvu vuoitán Giehtaruohttasa boazosápmelaš Andte Gaup-Juuso máhcai sotnabeaivve Sápmái.
Yle Sámi doaimmaheaddjit ledje ikte Gaup-Juuso ovddal Gihttela girdigiettis. Čuovuimet maid Big Brother -finála Gilbbesjávrris bearjadaga ovttas Gaup-Juuso sogain.
Iđitsáddagis diibmu 7.15 rájes gullat earet eará Andte Gaup-Juuso ja su bearraša jearahallamiid. Iđitsáddaga sáhttá guldalit Yle Areenas maid Suoma rájáid olggobealde.
Oanehis videojearahallama Gihttela girdigiettis sáhttá geahččat buohkaide rabas Sohkaršohka Facebook-siiddus. Govat maid Yle Sámi Instagram-siiddus.
