Sámedikki stivra válljii gaskavahku čoahkkimis ođđa birasčállin helssetlaš Anni-Helena Ruotsala. Ruotsala álggaha barggus vuossárgga 10.3.14.
Virgái ledje ovcci ohcci: Jennika Alatorvinen, Juha Heinonen, Ida Ikonen, Arja Jomppanen, Inga-Briitta Magga, Ulpu Mattus-Kumpunen, Leena Niska, Anni-Helena Ruotsala ja Outi Vanhanarkaus.
Loahpaloahpas stivra jienastii guovtte ohcci, Anni-Helena Ruotsala ja Inga-Briitta Magga gaskkas. Ruotsala válljejuvvui birasčállin jienaiguin 4-1. Magga lea ovdal bargán birasčállin.
Sámedikki dievasčoahkkin vuođđudii birasčálli virggi mannan juovlamánus. Birasčálli dikšu birasfuolaheapmái ja eanageavaheapmái gullevaš áššiid.
Anni-Helena Ruotsala lea bargan Yle Sámi Radio Gávpotságaid freelancerdoaimmaheaddjin. Gulaimet su maŋimuš háve Gávpotságain 10.3.2014.
Dievasmahttojuvvon 11.3.14 diibmu 11.20.
