Bálgosiid ovttastusas njeallje bargi leat geahččaleame guovtti sierralágan šleđggoncirggaldasa iežaset bohccuide. Šleđggonávnnas galgá eastadit johtolatvahágiid, main bohccot leat mielde, go biilavuoddjit galget oaidnit bohccuid buorebut.
Bálgosiid ovttastus lea dál geahččaleame šleđggoncirggaldasa bohccuide.
Sii leat cirgguhan ávdnasa bohcco guolggaide ja čorvviide, ja dál sii čuvvot mot ávnnas gierdá sierralágan dálkkiid ja bissugo ávnnas buorebut čoarvvis vai guolggas.
- Ulbmilin lea eastadit johtolatvahágiid, jos bohccot oidnojit buorebut biilavuoddjiide, muitala Bálgosiid ovttastusa doaimmajođiheaddji Anne Ollila.
Sii galget boahtte čavčča bigálusaid oktavuođas cirgguhit sleđggonávdnasa bohccuide dihto dutkanguovllus.
Ovddit čielggademiid leat dahkan logi jagi gaskkaid. Čielggadeapmi lea vuođđun ovdamearkka dihte politihkalaš barggus, muitala Sámedikki ságadoalli.
EU päivitti arktisen strategiansa, ja Suomi on siinä keskeisessä roolissa, kirjoittaa Pohjoismaiden-kirjeenvaihtaja Jenny Matikainen.
