Cealkináigi ođđa Deanu soahpamušhápmosis nogai mannan bearjadaga. Eanan- ja meahccedoalloministeriija hálddahus- ja plánenossodaga hoavda Pentti Lähteenoja muitala, ahte Eanan- ja meahccedoalloministeriijai bođii 12. beaivvi rádjái 39 cealkámuša.
Soahpamuša vuollaičállima maŋŋá nubbi gulaskuddan
Lähteenoja muitala, ahte čuovvovaččat oahpásmuvvat cealkámušaide.
Pentti Lähteenoja muitala, ahte vuosttaš gulaskuddamis ledje váilevašvuođat maid gieđahallet nuppi gulaskuddamis.
– Dán vuosttaš gulaskuddamis váidalahtti váilo vel earret eará prinsihpat mo bidjat hattiid lobiide ja maiddái dasto olgobáikegoddelaš vuoigatvuođaoamasteddjiide boahtá ođđa lohpin lohpi vuoggaoaggumii, nu dasa galgá leat mii nu unnimus oamástanoassi, mainna dan sáhttá oažžut. Dat ii lean dán vuosttaš gulaskuddamis, nu dat gullo maiddái dan nuppi gulaskuddamii.
