Girječálli Rauni Magga Lukkari almmustahttá dárogillii girjji Siiri Magga-Miettunen birra.
Siiri Magga-Miettunen, Guhtur-Niillasa Sire, lea ieš čállán girjji. Dat almmustuvvá dál dárogillii namain Siri ja dan lea goastidan Gollegiella-lágádus.
– Siiri Magga-Miettunen šattai geainnuhis báikkis, Guhturis, Avviljot siste Anára gielddas, gos sis ledje golbma gusa, muhtin sávza ja veháš bohccot, lágádusas muitalit.
Almmustuvvá maid jietnagirjin
Girji lea álgoálggus čállojuvvon suomagillii ja dan vuođul Liv Hatle lea jorgalan dan ođđadárrui.
– Girječálli ieš lea maŋŋelis jorgalan girjji sámegillii, man son lea maid lohkan ja almmustahttán dan jietnagirjin, festiválas muitalit.
Girjji almmustahtindilálašvuohta Riddu Riđđu -festiválas
Girjji almmustahtindilálašvuohta lea odne duorastaga Riddu Riđđu -festiválas Gáivuonas.
Dilálašvuohta álgá diibmu 12 Norgga áigge.
Siiri Magga-Miettunen orru dán áigge Giemas ja lea čállán earet eará girjjiid Sire girji, Sire eallin sihke Haile Selassie ja Lassuulan Niila.
NRK sádde neahttasáddagiid Riddu Riđđu -festiválas siiddus http://www.nrk.no/riddu/.
