Suoma Sámi Nuorat Rs ordne jahkečoahkkimis Helssegis sámi álbmotbeaivve 6.2.
– SSN lea válljen jagi 2016 temán Mátta-Suoma sámenuoraid, ja danin ordnejitge jahkečoahkkima Helssegis. Bures boahtin ođđa ja boarrásut lahtut! SSN bovde čoahkkimii.
Čoahkkin álgá diibmu 10.00. Jahkečoahkkimis válljejit ee. ođđa stivrra jahkái 2016.
Fállet nuvttá bileahtaid Sápmi-klubbai
SSN fállá čoahkkimii oassálastti lahtuide bileahtaid City-Sámit rs ordnen Sápmi-klubbai Teahter Forumis. Sápmi-Klubba eahketdoalut álget diibmu 18 golmma borramuššlája eahketmállásiin, man málesta sápmelaš badjeolmmoš ovttas málestančehpiiguin. Musihkain guoimmuhit Arvvas, Irdon ja Ylva. Eahketprográmma lea 18 jagi deavdán olbmuide.
– SSN máksá jahkečoahkkimii oassálastti lahtuid mátkegoluin eanemustá 100€. Jus boađát iežat biillain, fála áinnas sáhtu maiddái eará oasseváldiide ovdamearkka dihtii jahkečoahkkima Facebook-dáhpáhussiiddus! Mii gokčat oasseváldiide maid idjadansaji, jus dasa lea dárbu, SSN:s dieđihit.
Almmuheamit gaskavahku 27.1. rádjai šleađgapoasttain suomasaminuorat@gmail.com.
