Eanodaga gielda lea ožžon gielddahoavdda virgái 13 ohcamuša ja ovtta virgáimiehtanalmmuhusa. Ohcanáigi nogai otne vuossárgga gaskabeaiáigge.
Virgái ohce:
- stáhtadiehtagiid doavttir Hannu Autto
- hálddahusdiehtagiid magisttar Jarmo Huhtala
- eanandoallo- ja vuovdediehtagiid magisttar Juhani Härkönen
- filosofiija magisttar Juha Koskela
- gávpediehtaga magisttar Raimo Laaksonen
- inšenevra (bajit ámmátallaskuvla) Jani Leppäjärvi
- installerejeaddji-mekaniserejeaddji Seppo Leskinen
- inšenevra (bajit ámmátallaskuvla) Samuli Mikkola
- njunušgoddeupsevra (evp, ealáhagas stáhta bálvalusas) Jari Nykänen
- stáhtadiehtagiid lisensiáhta, soahtediehtagiid doavttir Jari Rantapelkonen
- diploma-inšenevra Pekka Reiman
- halddahusdiehtagiid magisttar Olli-Pekka Salminen
- dáidaga magisttar Janne Similä
Lassin bajásgeassindiehtagiid magisttar Laila Nikunlassi attii iežas miehtama virgái, nu ahte son ii guođđán ohcamuša, muhto almmuhii, ahte lea gearggus álgit gielddahoavdan, jos gielda nu oaidná.
Eanodaga gielda vállje ođđa gielddahoavdda guovvamánu áigge.
Eanodahkii leat ohcan ođđa gielddahoavdda ođđajagimánu rájes, go gielddahoavda, dálá riikkabeaiárras Mikko Kärnä ja su sadjásaš Mauri Koskela celkkiiga guktot iežaska eret gielddahoavdda virggis.
