Alimus hálddahusriekti (AHR) olggosaddá dieđáhusa válgalogahallamis dahkkon váidalusaid birra vuossárgga diibmu 09.00.
– Áššemeannudeapmi lea jođus ja mii bargat dárkilis barggu, muitala AHR dieđiheaddji Päivi Musakka.
Badjel 180 váidalusa
Váidalusaid loahpalaš mearri ii leat vel dieđus, muhto dán rádjai AHR:i leat sáddejuvvon 182 váidalusa válgalogahallamii váldimis.
Sámedikki stivra lea lassin dahkan logi burginohcamuša alimus hálddahusriektái.
Sámedikki stivrii dahke ohcalanproseassa ovddit muttus 201 njulgengáibádusa válgalogahallamii váldimis. Stivra ii leat almmustahttán man galle njulgengáibádusa sii hilgo ja man galle dohkkehedje.
Divvojuvvon 23.9.2015 diibmu 23:32: Váidalusaid mearri lasihuvvon. Ovdal ođđasis logai, ahte AHR ii kommentere váidalusaid meari. Divvojuvvon 23.9.2015 diibmu 11.59: Sámedikki stivrii dahke 201 njulgengáibadusa, eai alimus hálddahusriektái.
